Voz di Kultura, Edukashon i Komunidat di Boneiru
Naidy Cicilia ta un Boneriano ku su bida i trabou ta profundamente liga ku preservashon di
kultura, historia, edukashon i bienestar di komunidat di Boneiru. For di su mucha, el a krese
ku e balornan di tradishon i komunidat, inspirá pa su defuntu mama, Juf Ida, ku semper a
hiba su yuannan pa bishitá selebrashonnan manera Dia di Boneiru i Dia di Rincon tantu na
Boneiru komo despues na Hulanda. E experiencia aki a forma den Naidy un profundo respet
pa su raisnan i pa e herensia kultural di su isla natal.
Honor pa su Mama
Naidy a honra su mama su nomber komo Juf Ida, ku a dediká su bida na edukashon i komunidat. Despues di su studi na e dad di 18 ana, su mama a traha 21 aña na cresh BON KUIDO, komo juf ela krese te ku hoofdleidster I kontribuíndo na desaroyo di mucha na Boneiru. Despues, Juf Ida a tuma desishon valiente pa bai Hulanda ku su kuater yuannan pa duna nan un mihó futuro.
Door di e desishon di su mama, Naidy a pasa gran parti di su bida na Hulanda. Na 2021, Naidy a regresa kas bek na Boneiru riba 14 di April su so, momento kaminda su mama a bin fakansi na 2022 i fajese. Naidy a disidi pa duna komunidat lokal su energia i pasion, sigui e trabou ku su mama a hasi. Su mama a biba na Boneiru te na edad di 39, i despues a fayese na edad di 61, bibando na Hulanda den Den Haag Ypenburg. E ta un wela di 6, di su yu homber grandi i awor na 2026 a nase un yu di yu su yu muhen. Su legado a influensiá profundamente Naidy, ku a tuma responsabilidad pa preservá i transmití herensia kultural i solidaridat den komunidat pa siguiente generashonnan.
Formashon i Experiensia Profesional
Na aña 2001, den Delft, Naidy a bishitá su promé selebrashon di Dia di Rincon na Hulanda i
Dia di Boneiru na Breda. Aunke gran parti di su bida a pasa na Hulanda, su konekshon ku
Boneiru i su tradishonnan a keda firme. Den 2003, e aktividatnan a sigui tuma lugá na
Bosvreugd, Tilburg, i mas den e ana despues den diferente stad den Hulanda, manteniendo
e espiritu i orgullo Boneriano bibu den diaspora.
Naidy tambe semper tabata bishita dia di Bandera Korsouw i dia di Aruba na Hulanda.
Naidy a completa su studi for di nivel 1 te ku hogeschool, i a traha den Gemeente Den Haag
i Gemeente Rotterdam, inkluí skolnan MBO i HBO. Su experiencia profesional ta dokumentá
na su CV publiká den su LinkedIn. Su promé trabou formal na Boneiru ta na hospitaal den
2021, den su prome funshon na Boneiru di maatschappelijk werk, kaminda el a aplica su
konosementu i pasion pa yuda komunidat.
Filosofia i Valornan
Naidy ta kere ku tur hende, ku of sin diploma, merese chensnan den bida. Ku motivashon,
komunikashon i determinashon, tur desoeo por logra. E mes ta un ehempel di dedicashon i
perseveransia, demostrando ku un persona por yuda hasi diferencia den komunidat. Su bida
personal tambe a inkluí momentonan difisil, ku a forsa su resilensia i empatia pa otro.
Preservashon Kultural
Na 2025, Naidy a tuma iniciativa pa hasi un intervista ku Elba Mercera riba historia di Dia di
Rincon, kuminsando un investigashon pa dokumentá i preservá e memoria kultural di
Boneiru. Durante e proseso, el a deskubrí ku Elba su kasa tabata primo di su defuntu mama
Ida, profundisando su konekshon personal i kultural.
Durante su bishita na Rincon, Naidy a rekonektá ku su famia i komunidat. Un momento
emosional a tuma lugá ora el a topa ku e potret di su welo Domingo Bernabela den
magazina di Rei den Rincon riba un tour ku su kolega nan. Anteriormente, na 2021, su
promé curso na Boneiru na Fundashon Históriko Kultural Boneriano (FUHIKUBO) a
permití su rekonektashon ku historia di su welo.
Despues di mas di 20 aña na Hulanda, Naidy a regresa kas bek na Boneiru na 2021. Na
2025, el a partisipa den Dia di Rincon pa promé biaha den su bida, simbolisando un
profundo rekonektashon ku su kultura, historia i komunidat.
Deporte i Desaroyo Personal
Naidy a krese den un ambiente di deporte for di 1994 na Boneiru i Hulanda. Influensiá pa su
tata i mama a stimulá su desaroyo den disciplina i perseveransia. Su tata tabata pasioná di
deporte manera voetbal i softbal, ku Naidy i su rumanan a sigui. Naidy tambe a praktika
gimnástika, kontribuíndo na su determinashon i desaroyo personal. Awor Naidy tin su team
di softball Moveshon Pa Kambio Juf Ida.
Inisiativanan di Komunidat i Radio
Naidy a kreá su mes un programa radiofóno na Voz di Boneiru, un espasio pa
komunikashon i konsientisashon kultural. Actualmente, el ta trahando huntu ku Elba
Mercera riba diferente tema importante pa komunidat, inkluí parti jurídiko i e inisiativa
Moveshon pa Kambio di Juf Ida. Su trabou a yuda kontinua desaroyo di Dia di Rincon na
Hulanda i ta inspirá otro pa protehá i transmití herensia kultural pa generashonnan ku lo bin.
Filosofia Final
Naidy ta firme ku union i solidaridat den komunidat ta esencial. Su porta ta habrí pa tur
hende, pasobra solamente huntu nos por logra mas. Siguiendo legado di su mama, el ta
karga responsabilidad pa protehá i pasa nos kultura pa siguiente generashon.